Fact or fuck?

Sorry naman sa word na "fuck" sa title, sobra lang ako naiinis. Hindi naman naiinis, pero totoo. Kasi, hindi ko maisip bakit mayroong mga taong hindi marunong tumanaw ng utang na loob at mayroon din namang mga tao na lumalapit lang sayo o kaibigan ka lang pag mayroon silang kailangan sayo. 

Nakakainis hindi ba? Simpleng thank you lang hindi pa mabigay sayo. Pagkatapos ng lahat ng ginawa mo para sa taong yun, simple man o bongga. Hindi naman ako naghahanap ng kapalit eh, simpleng thank you lang ang gusto ko, kasi kahit ganon lang nakakataba yun ng puso, at least may napuntahan yung pagod mo. Kahit sino man yan, simpleng kaibigan, magulang o kahit espesyal na tao sa ating buhay. Wala akong gustong patamaan dito o ano, gusto ko lang malaman ninyo ang mararamdaman ng isang taong pinagkaitan ng simpleng pasasalamat.

Minsan, may mga kaibigan tayong nagiging malapit sa atin, yung tipong close natin. Pero may mga panahong tayo ay nalalayo sa kanila dahil tayo ay busy sa ating mga ginagawa, pag-aaral o trabaho man. Tapos minsan, nararamdaman nating miss natin sila. Sa aking lagay, may mga kaibigan akong ganyan, pero kahit simpleng "I miss you" lang hindi nila maibigay sakin. Pero pag may kailangan, yan na, saka ka sasabihan ng 'I miss you", "Uyy, kamusta na?","Kita tayo!". Yan, mga ganyang linya ang madalas na natatanggap ko. Tapos siyempre ako naman, sasagot ng "I miss you too", "Uyy okay lang, ikaw?", "Sige,tagal na natin di nagkekwentuhan eh". Ako si tanga, go lang ng go, pero sa huli. May kailangan pala ang mga kaibigan ko. Yun pala. So kaibigan lang ako pag may kailangan sila? O magpapalibre sila? Sawang sawa na ako, panahon na para matigil to. Kailangan na nilang maisip na hindi tama yun. Pinagdadasal ko na lang na maisip nila yun. Kawawa naman ang mga kagaya ko na naging tanga at sumunod sa mga bagay na gusto nila. 


Wala akong binabanggit na pangalan dito, pero kung ikaw man yan, na binabasa ang walang kwentang blog ko, puro mga hinanakit at mga malalabong pakiramdam lamang ang nandito. Sana maisip mo, na masakit yun. Hindi mo ako kaibigan pag may kailangan ka lang, pwede mo naman ako maging kaibigan hanggang kailan mo man gusto, ikaw, bahala ka kung gusto mong sirain ang ating pinagsamahan, o panatilihin natin ito at maging masaya sa ating mga buhay buhay. Kaibigan mo ako sa lahat ng bagay! Handa naman ako ibigay sayo ang kailangan mo hangga't kaya ko, pero wag mo naman abusuhin at hayaang dumating sa lagay na ang dahilan ng pagiging magkaibigan natin ay dahil ako ay magagamit mo, sorry kung masakit yung part na sinabi kong yun, pero yun ang sa tingin ko ay bagay na sabihin. Kaya kaibigan? May kailangan ka ba? 


"No mistake, no heartbreak  Can take away what your meant to be."