My superpower ako, ikaw?

Siguro meron din kayo nitong super power ko, ito ay ang Love. Haha!

Kagabi kasi inedit ko yung profile ko sa picasaweb google, then mga simple details lang yung nandun. Weird lang yung isang info dun na "My superpower is..." Then, sobra ako napaisip anong superpower ko. Kahit alam ko namang impossible yon. So i think, ang meron lang ako ay ang "Love" it sounds so corny pero totoo naman eh? Ikaw din naman di ba? Wala man tayong kakayahang lumipad o hindi tablan ng baril ay meron naman tayong kakaibang kakayahang nakapagdudulot ng saya sa ibang tao, at sa atin din mismo. 

Hindi ba't pag ikaw ay mayroong minamahal ay masaya ka? Di ba? At ang taong iyong minamahal ay masaya din? Sobrang nakakagaan ng loob ang ganitong pakiramdam na tayo'y mayroong mga minamahal at mayroon ding mga taong nagmamahal sa atin. Dahil dito, nagkakaroon tayo ng bagong pagasa, ng masayang buhay na hindi mapapantayan ng kahit ano man, nagkakaroon tayo ng dahilan na gumising sa umaga, at nagkakaroon tayo ng dahilan na mahalin at pahalagahan ang ating buhay. Mayroon man tayon ka-relasyon, at alam naman nating mahal na mahal natin siya, wala pa ring makakapantay sa pagmamahal natin sa ating Diyos. Lagi nating tatandaan na kahit tayo ay may boyfriend o girlfriend, mga kaibigan at kahit magulang, huwag nating kakalimutang bigyan ng pagmamahal ang taong nagbigay ng buhay sa atin, at nagbigay ng pagkakataong makilala ang mga taong magpapasaya sa atin.

Kung minsan man ay naiisip ko na wala ng nagmamahal sakin, kahit ang aking mga magulang o kaibigan, para bang ang bigat at wala ka ng ganang gawin ang mga bagay bagay. Hindi man kapanipaniwala, pero totoo, ganyan din kayo kung minsan, hindi ba? Yung sa pakiramdam mo ay wala ka ng magagawang tama na wala ka ng pagasa sa buhay. Na para bang dala mo ang problema ng buong mundo at binagsakan ka na ng langit at lupa sa sobrang bigat ng iyong dalahin. Minsan hindi mo na alam ang gagawin mo dahil dito. Pero huwag dapat natin hayaang mangyari eto, dahil sa sampu mong kaibigan meron pading isa diyan na nagmamahal sayo ng tunay at lubos, at sa mata man ng Diyos, alam naman nating mapapatawad tayo nito at hindi tayo pababayaan at hindi makakalimutang mahalin.

So hindi naman ako naging masyadong seryoso sa mga sinabi ko? Haha! Pero totoo.


Right here, the best days of our lives. Is this coincidence or a sign?