Ang pamagat ng aking sinusulat ay ingles, ngunit ayokong pilitin ang aking sarili na magingles sa aking susulatin, dahil mas maiintindihan siguro kung ito ay tagalog.
Ganyan ang pamagat, dahil ito ay tungkol sa mga kanta na ating pinapakinggan.
Kanina lamang, nakausap ko ang isa sa mga matalik kong kaibigan na si "Jodi". Mayroon daw siyang narinig na kanta, ito ang (Breakeven-The Script) at huwag ko daw sakanya banggitin ang lyrics nito, sa tingin ko siya ay tinatamaan sa pinapahiwatig sa isang kanta. Dahil sa pangyayaring ito, napaisip ako. Minsan, kung tayo ay nalulungkot o nasasaktan man o may gustong alalahanin, tayo ay nakikinig ng ilang kanta sa ating mp3 o iPod, hindi ba? Kung tayo man ay nasasaktan dahil sa pag-ibig o kaibigan, at wala na tayong matakbuhan o makausap, ang mga kanta na lamang ang ating sinasandalan,at kahit papaano, pinapagaan nito ang ating pakiramdam. Tama ba ako? Ganon din kayo hindi ba? At minsan nakakatulog na lang at nakakalimutan na ang nangyari.
May mga pagkakataon din naman na, pag tayo'y nakakarinig ng isang kanta, meron tayong naaalala dito, pwedeng tao o pangyayari sa ating buhay na importante at tumatatak ito sa isip natin.
At kung minsan naman ay, ayaw na natin marinig ang kantang iyon dahil meron itong pinapaalala na ayaw na natin alalahanin, kagaya na lamang ng nangyari kanina noong kausap ko si Jodi. Dahil tayo ay siguro ay nasaktan. Hindi naman ako nagdadrama, payo ko na lamang sa inyong mga nagbabasa nito ay, wag na lang tayo magpaapekto sa mga kanta, iwanan niyo na kung saan niyo man gusto ang mga pangyayaring ayaw niyo ng maalala. Hindi solusyon ang hindi na pakinggan ang mga kantang ito, lilipas din yan. Ngiti na kayo, wag na tayong malungkot!
"you're better than the best, I'm lucky just to linger in your life."
No comments:
Post a Comment